येरवडा कारागृहात पुन्हा रक्तरंजित थरार! खुनाच्या घटनेनंतर आता वृद्ध कैद्यासोबत घडलं धक्कादायक

मिळालेल्या माहितीनुसार, देवकरप्पा गराळे (वय ६५) असे जखमी झालेल्या कैद्याचे नाव आहे. कारागृहात शिक्षा भोगत असलेल्या फजल अहमद अब्दुलकयुम अन्सारी या कैद्याने गराळे यांना अत्यंत क्रूरपणे मारहाण केली. ही मारहाण इतकी भयंकर होती की, गराळे यांच्या मेंदूत रक्तस्राव झाला आहे. त्यांची प्रकृती चिंताजनक असल्याने त्यांना तातडीने ससून रुग्णालयात दाखल करण्यात आले असून, तिथे त्यांच्यावर उपचार सुरू आहेत.