पुणेकरांनो घराला कुलूप लावा अन् बिनधास्त गावी जा; दिवाळीत पुणे पोलिसांचा मोठा निर्णय

वाघोली पोलिस ठाण्याचे वरिष्ठ पोलिस निरीक्षक युवराज हांडे यांनी नागरिकांना सजग राहण्याचे आणि आवश्यक ती खबरदारी घेण्याचे आवाहन केले आहे. दिवाळीपूर्व सुरक्षा मार्गदर्शन सत्रात हांडे यांनी नागरिकांशी संवाद साधला. या सत्राला विविध सोसायट्यांचे रहिवासी, सोसायटी पदाधिकारी तसेच वाघोली पोलिस ठाण्याचे अधिकारी आणि कर्मचारी उपस्थित होते.

या वेळी हांडे म्हणाले, दिवाळीच्या सुट्टीदरम्यान अनेक कुटुंबे गावाकडे जातात. या काळात चोरटे परिसरावर लक्ष ठेवून संधीची वाट पाहतात. त्यामुळे नागरिकांनी आपल्या घरांची आणि सोसायटींची सुरक्षा पक्की करावी.

या उपक्रमामुळे सणासुदीच्या काळात वाघोली आणि आसपासच्या परिसरात नागरिकांमध्ये सुरक्षा जनजागृती वाढली असून, पोलिसांच्या तत्परतेमुळे चोरट्यांच्या हालचालींवर प्रभावी नियंत्रण मिळण्याची अपेक्षा आहे.