Pune : पुण्यातील पोर्श कार अपघात प्रकरणात मोठी अपडेट, 10 महिन्यानंतर कोर्टाने दिला महत्त्वाचा निर्णय!
- Published by:Saurabh Talekar
Last Updated:
Pune porsche car crash Update : पुण्यातील कल्याणीनगर परिसरात एका पोर्श कारने दोन दुचाकीस्वारांना धडक दिली होती. यात दोघांचाही मृत्यू झाला होता.
Pune porsche car Accident : पुण्यातील कल्याणीनगरमध्ये 17 वर्षीय अल्पवयीन मुलाने त्याच्या पोर्श या लक्झरी कारने दुचाकी चालवत असलेल्या दोघांना जोरदार धडक दिली, त्यात दोघांचाही मृत्यू झाला. पोलिसांनी माध्यमांना दिलेल्या माहितीनुसार या अपघातावेळी हा अल्पवयीन तरुण मद्यधुंद अवस्थेत होता. त्यानंतर आरोपीला अटक झाली परंतु फक्त 15 तासात त्याला जमीन मंजूर करण्यात आला होता. अशातच आता या प्रकरणात मोठी अपडेट समोर आली आहे.
अंतरिम जामीन मंजूर
पुण्यातील पोर्शे कार अपघात प्रकरणात एक मोठी अपडेट समोर येतेय. आरोपी अल्पवयीन तरुणाच्या आईला जामीन मंजूर करण्यात आलाय. तरुणाचे रक्त बदलल्या प्रकरणी आई शिवानी अगरवाल यांच्यावर कारवाई करण्यात आली होती. गेल्या 10 महिन्यापासून आरोपी तरुणाची आई जेलमध्ये होती. सर्वोच्च न्यायालयाने अंतरिम जामीन मंजूर केला असून अनेक अटी शर्तीवर हा जामीन मंजूर करण्यात आला आहे.
advertisement
पोलीस ठाण्यात हजर रहाणं बंधनकारक
शिवानी अगरवालला दर बुधवारी 11 ते 1 या वेळेत येरवडा पोलीस ठाण्यात हजर रहाणं बंधनकारक असणार आहे. शिवानी अगरवालला स्वतःच्या मोबाईलच लोकेशन सतत सुरू ठेवणं देखील बंधनकारक असेल. पोलिसांनी पासपोर्ट देखील जप्त केला असल्याची माहिती समोर येत आहे. त्यामुळे शिवानी अग्रवाल यांना दर बुधवारी येरवडा पोलीस स्टेशनमध्ये हजर राहावं लागणार आहे.
advertisement
दरम्यान, याप्रकरणात घटना घडून गेल्यानंतर रात्री उशिरा एका तासात आमदार सुनील टिंगरे यांनी पोलिस स्टेशनला भेट दिली होती. पोलिसांवर कोणताही दबाव टाकण्यासाठी मी गेलो नसल्याचे आमदार टिंगरे यांनी सांगितलं होतं. मात्र, टिंगरेंच्या उपस्थितीमुळे मोठे प्रश्न उपस्थित केले जात होते.
view commentsLocation :
Pune,Maharashtra
First Published :
April 27, 2025 10:02 AM IST
मराठी बातम्या/पुणे/
Pune : पुण्यातील पोर्श कार अपघात प्रकरणात मोठी अपडेट, 10 महिन्यानंतर कोर्टाने दिला महत्त्वाचा निर्णय!


