Pune-Satara Highway: पुणे-सातारा प्रवाशांसाठी खुशखबर! 'सुपरफास्ट' बोगदा खुला, प्रवासाचा वेळ 75 टक्क्यांनी घटला

पुणे : पुणे-सातारा महामार्गावरील प्रवासाचा मोठा अडथळा असलेला खंबाटकी घाटातील धोकादायक प्रवास आता सुसह्य होणार आहे. घाटातील 'एस' (S) आकाराच्या वळणांना पर्याय म्हणून उभारण्यात आलेल्या नवीन दुहेरी बोगद्यांपैकी साताऱ्याहून पुण्याकडे येणारा एक बोगदा शनिवारपासून प्रायोगिक तत्त्वावर हलक्या वाहनांसाठी खुला करण्यात आला आहे. यामुळे प्रवासाचा वेळ चक्क ३५ मिनिटांनी वाचणार आहे.