संध्याकाळची वेळ; रस्त्यावर एक किमीपर्यंत वाहनांच्या रांगा, कोंडीत रुग्णवाहिका अडकली अन्..पुण्यातील घटनेनं संताप

पुणे : सातारा रस्त्यावरील बालाजीनगर आणि धनकवडी फाटा परिसरातील वाहतूक कोंडीने आता कहर केला आहे. याचा थेट फटका रुग्णांना बसत असल्याचं गंभीर चित्र आता समोर आलं आहे. गुरुवारी (२७ नोव्हेंबर) संध्याकाळच्या भीषण कोंडीत एक रुग्णवाहिका अडकली आणि तिला मार्ग काढण्यासाठी तब्बल पंधरा ते वीस मिनिटं लागल्याने नागरिक संतप्त झाले आहेत. वाहतूक पोलीस ही कोंडी सोडविण्यात पूर्णपणे अपयशी ठरत असल्याचा आरोप स्थानिक नागरिक करत आहेत.