पुण्यातील स्पा सेंटरधून तीन तरुणींची सुटका, मसाजच्या नावाखाली सुरू होता नको तो प्रकार

पुण्यातील चंदननगर पोलीस ठाण्याच्या हद्दीत एक धक्कादायक प्रकार उघडकीस आला आहे. इथं एका मसाज सेंटरमध्ये सुरू असलेल्या सेक्स रॅकेटचा पर्दाफाश करण्यात आला आहे. संबंधित मसाज सेंटरमध्ये वेश्याव्यवसाय सुरू असल्याची गुप्त माहिती मिळाल्यानंतर पोलिसांनी ही कारवाई केली आहे. या कारवाईत पोलिसांनी मसाज पार्लरच्या ऑपरेटरसह मॅनेजर आणि स्पा सेंटरशी संबंधित इतर काही जणांवर गुन्हा दाखल केला आहे. या कारवाईत पोलिसांनी वेश्या व्यवसायात गुंतलेल्या तीन तरुणींची सुटका केली आहे.