केदारनाथच्या महापुरात वाहून गेला; छ. संभाजीनगरला पोहोचला, आता 10 वर्षांनी घरच्यांना पुण्यात सापडला

शिवम २०१३ च्या भीषण केदारनाथ पुरात वाहून गेला होता. कुटुंबीयांनी सर्वत्र शोध घेतला, पण तो सापडला नाही. पुढे तो नेमका कसा आणि कधी महाराष्ट्रात पोहोचला, हे कुणालाच माहीत नाही. तो छत्रपती संभाजीनगरमधील एका मंदिरात सेवा देऊ लागला. शिवमची मानसिक स्थिती स्थिर नसल्याने तो स्वतःची ओळख सांगू शकला नाही. यादरम्यान, २७ ऑक्टोबर २०२१ रोजी एका धार्मिक वादाच्या प्रकरणात वैजापूर पोलिसांनी त्याला ताब्यात घेतलं. त्याची ढासळलेली मानसिक प्रकृती पाहून त्याला उपचारासाठी पुण्याच्या येरवडा मानसिक रुग्णालयात पाठवण्यात आलं.

शुक्रवारी शिवमचे नातेवाईक पुण्यात आले आणि येरवडा रुग्णालयातील डॉक्टर आणि कर्मचाऱ्यांचे आभार मानून शिवमला आपल्यासोबत केदारनाथला घेऊन गेले. रोहिणी भोसले आणि रुग्णालय प्रशासनाच्या सातत्यामुळे एका तरुणाचा १० वर्षांचा वनवास संपला आहे.