Pune News: हादरवणारी घटना! खुर्चीनं घेतला पुण्यातील महिलेचा जीव; किचनमधील ती एक चूक पडली महागात

मिळालेल्या माहितीनुसार, मंगळवारी सकाळी अंजुम कुरेशी या त्यांच्या घरी स्वयंपाकघरात काम करत होत्या. सोसायटीमध्ये गेल्या काही काळापासून पाण्याची मोठी समस्या असल्याने रहिवाशांना पाण्यासाठी मोठी कसरत करावी लागते. याच दरम्यान, अंजुम या स्वयंपाकघरातील ओट्याजवळ खुर्चीवर उभ्या राहून पाण्याच्या टाकीतून पाइप काढण्याचा प्रयत्न करत होत्या.

सोसायटीमधील पाणीटंचाईमुळे रहिवाशांना अशा प्रकारे पर्यायी व्यवस्था करावी लागते, ज्यातून ही दुर्घटना घडल्याचे समोर येत आहे. मुलगी आणि आई घरात असतानाच हा प्रकार घडला. मुलीने आरडाओरडा केल्यानंतर शेजाऱ्यांनी मदतीसाठी धाव घेतली आणि तातडीने पोलिसांना पाचारण करण्यात आले.

येरवडा पोलिसांनी घटनास्थळाची पाहणी केली असून प्रथमदर्शनी हा अपघात असल्याचे दिसत आहे. मात्र, मृत्यूचे नेमके कारण स्पष्ट होण्यासाठी मृतदेह ससून रुग्णालयात शवविच्छेदनासाठी पाठवण्यात आला आहे. अहवाल आल्यानंतर हा अपघात होता की घातपात, यावर अधिक प्रकाश पडेल, असे पोलिसांनी सांगितले. सध्या लक्ष्मीनगर पोलिसांनी या प्रकरणी अकस्मात मृत्यूची (ADR) नोंद केली आहे.