कंपनीसाठी 8 वर्ष रक्ताचं पाणी केलं! हेल्थ चेकअपमध्ये कॅन्सर आढळला अन् कामावरून काढलं, पुण्यातील IT कंपनीचा निर्लज्जपणा!

पुणे: पुणे शहरातील एका नामांकित आयटी कंपनीचा संतापजनक प्रकार समोर आला आहे. येरवडा भागातील कॉमर्स झोनमध्ये असलेल्या SLB या कंपनीने हेल्थ चेकअप कॅम्प आयोजित केला होता. या कॅम्पदरम्यान SLB कंपनीतील संतोष पाटोळे यांना कॅन्सर असल्याचे निदान झाले. ही माहिती समोर येताच कंपनीने कोणताही विचार न करता त्यांना कामावरून काढून टाकले. अचानक आलेल्या आर्थिक संकटात सापडलेल्या संतोष पाटोळे यांनी न्यायासाठी कंपनीच्या बाहेर उपोषणाला सुरुवात केली आहे. त्यांनी सगळ्या प्रकाराविषयी लोकल 18 ला माहिती दिली आहे.