छत्रपती शिवाजी महाराज यांनी घेतलं होतं दर्शन, 15 डिसेंबरपासून पुण्यातलं प्रसिद्ध गणपती मंदिर बंद, कारण काय?

पुणे : ग्रामदैवत श्री कसबा गणपती मंदिरातील मुख्य दैवताच्या शेंदूर कवच दुरुस्ती प्रक्रियेला 15 डिसेंबरपासून सुरुवात होणार असून, या काळात मंदिर भाविकांसाठी पूर्णपणे बंद राहणार आहे. मंदिराच्या उपलब्ध इतिहासात अशी प्रक्रिया प्रथमच होत असल्याची माहिती देवस्थानचे विश्वस्त आशापूरक ठकार यांनी दिली. ऐतिहासिक स्वयंभू मूर्तीवरील शेंदूर मिश्रित कवच गळू लागल्याने तज्ञांच्या मार्गदर्शनाखाली शास्त्रोक्त पद्धतीने दुरुस्ती करण्यात येणार आहे. प्रक्रिया साधारण तीन आठवडे चालण्याची शक्यता आहे. कामकाजाचा आढावा घेत मंदिर शक्य तितक्या लवकर भाविकांसाठी खुले करण्याचा देवस्थानचा प्रयत्न राहणार आहे. याविषयीची अधिक माहिती जाणून घेऊ.