Pune Crime : पुणे हादरले! सोशल मीडियावर मैत्री करताना फसला अन् झालं भलतचं; तरुणासोबत नेमकं घडलं काय?

माहितीनुसार आरोपी तरुणी पीएमपीएलमध्ये कंडक्टर आहे. तिने फिर्यादीशी गोड बोलून मैत्री प्रस्थापित केली आणि त्याला घरी बोलावून शारीरिक संबंध ठेवण्यास प्रवृत्त केले. परंतु संबंध ठेवल्यानंतर तिने बलात्काराची खोटी तक्रार दाखल करण्याची धमकी दिली. या धमकीच्या जोरावर तरुणीने फिर्यादीकडून 1,72,664 रुपयांची खंडणी उकळली, ज्यात रोख रक्कम, सोन्याचे दागिने आणि इतर मौल्यवान वस्तूंचा समावेश होता. त्यानंतर तिने आणखी 5 लाख रुपयांची मागणी केली होती.

माहिती अशी आहे की, या तरुणीने एसआरपीएफ जवानासह आणखी दोन तरुणांना आपल्या जाळ्यात अडकवले. 2017 मध्ये नांदेडमधील एका तरुणाशी आणि 2022 मध्ये कंधारमधील एका तरुणाशी तिने अशीच पद्धत वापरली. प्रत्येक प्रकरणात तिने शारीरिक संबंध ठेवण्यास प्रवृत्त केले आणि नंतर बलात्काराची खोटी तक्रार दाखल करून खंडणी उकळली. या सर्व घटनांमुळे स्पष्ट होते की ही तरुणी प्रेमजाळ्याच्या नावाखाली तरुणांना फसवत होती.