Alandi : तीर्थक्षेत्र आळंदीसाठी मोठी बातमी! रखडलेला इंद्रायणीवरील 'तो' पूल अखेर खुला; प्रवासाचा त्रास संपला

तीर्थक्षेत्र असलेल्या आळंदी येथे वर्षाभरात लाखोंच्या संख्येने भाविक दर्शनासाठी येत असतात शिवाय या भागात राहणाऱ्या नागरिकांसाठी 2025 पासून हा पूल वाहतूकीसाठी बंद करण्यात आलेला असून चऱ्होली बुद्रुक आणि चऱ्होली खुर्द रस्त्यांना जोडणारा 12 मीटर रुंदीचा असा एक महत्त्वाचा पूल होता.

सार्वजनिक बांधकाम विभागाकडून पुलाच्या दुरुस्तीची सर्व कामे झाल्यानंतर तो लवकरात लवकर पुन्हा वाहतूकासाठी खुला करण्याची विनंती करण्यात आली होती. त्यानुसार आता या पुलाच्या दुरुस्तीचे काम पूर्ण झाल्यामुळे हा मार्ग पुन्हा सर्व प्रकारच्या वाहनांच्या वाहतुकीसाठी खुला करण्यात आलेला आहे. त्यामुळे दिघी- आळंदीच्या विभागातील नागरिक आणि वाहनचालकांना मोठा दिलासा मिळणार आहे.