Mumbai Real Estate: मुंबईतील ऑफिसेस सर्वात महाग, तीन वर्षांत 28 टक्क्यांनी वाढलं भाडं

मुंबई : आपल्या देशाची आर्थिक राजधानी असलेली मुंबई हे शहर राहण्यासाठी दिवसेंदिवस अधिक महाग होत असल्याचं चित्र आहे. गेल्या तीन वर्षांत मुंबईतील घरांच्या किमती मोठ्या प्रमाणात वाढली आहे. मुंबईतील घरं तर महाग झालीच आहेत त्यासोबत ऑफिसच्या जागा देखील महागल्या आहेत. मुंबईतील कार्यालयांच्या किमतीमध्ये गेल्या तीन वर्षांत सरासरी 28 टक्क्यांची वाढ झाली आहे. यामुळे देशातील प्रमुख शहरांमध्ये मुंबईतील कार्यालये ही देशातील सर्वात महाग कार्यालये ठरली आहेत. रिअल इस्टेटचा अभ्यास करणाऱ्या एका सर्वेक्षण कंपनीने केलेल्या सर्वेक्षणात ही माहिती समोर आली आहे.