Ashadhi Wari 2025: माऊलींच्या अश्वराजांची श्रीमंत दगडूशेठ गणपतीला अनोखी मानवंदना, Video

श्रीमंत दगडूशेठ हलवाई सार्वजनिक गणपती ट्रस्ट आणि सुवर्णयुग तरुण मंडळ यांच्या वतीने मंदिरात अश्वांचे विधिपूर्वक पूजन करण्यात आले. ट्रस्टचे कोषाध्यक्ष महेश सूर्यवंशी यांनी सांगितले की, वारीच्या पार्श्वभूमीवर दरवर्षी ट्रस्टकडून हरित वारी, स्वच्छता मोहीम, आरोग्य तपासणी, रुग्णवाहिका सेवा, भोजन सेवा असे विविध उपक्रम राबवले जातात. या उपक्रमांची सुरुवात अश्व मानवंदनेच्या कार्यक्रमाने होते.

शितोळे सरकार म्हणाले की, “पूर्वी अश्व मंदिराबाहेरून दर्शन घेत असत. मात्र गेल्या काही वर्षांपासून त्यांना सभामंडपात प्रवेश दिला जातो, ही बाब अत्यंत शुभ मानली जाते.” गणपती आणि माऊलींच्या भक्तीचा हा संगम पाहण्यासाठी मंदिरात भाविकांची मोठी गर्दी झाली होती. जे भक्त वारीत प्रत्यक्ष सहभागी होऊ शकत नाहीत, त्यांच्यासाठी हे अश्व दर्शन एक भक्तिपूर्ण अनुभव ठरतो. वारीच्या आध्यात्मिक परंपरेला समर्पित असलेल्या या अश्वांची भेट ही गणेश भक्तांसाठी आणि वारकऱ्यांसाठी एक महत्त्वाची बनली आहे.