मांजर आडवी जाणं चांगलं की वाईट, काय आहे यामागची नेमकी खरी माहिती

नाशिक - जगात आजही अनेकांच्या मनात विविध बाबींबद्दल श्रद्धा आहे. तर अनेकजण अंधश्रद्धांनाही बळी पळताना दिसतात. अनेक जण आजही विविध गोष्टी पाळताना दिसतात. त्यातच ‘मांजर’ ही चांगली असते की वाईट असते, अनेकांना प्रश्न पडतो. ती जर आपल्या घरात आली अथवा आपण तिला पाळले तर त्यामागे नेमके काय संकेत असतात, याबाबत अनेकांच्या मनात संभ्रम असतात. काळी मांजर रस्त्यात आडवी गेली तर तो अपशकुन समजला जातो. आपले काम होणार नाही, असे अनेकांना वाटते. या सर्व बाबी खऱ्या आहेत का, यामागची उत्तरे नेमकी काय आहेत, हेच आपण आज जाणून घेणार आहोत.

नाशिक येथील प्रसिद्ध महंत अनिकेत शास्त्री यांनी याबाबत महत्त्वाची माहिती सांगितली. लोकल18 शी बोलताना त्यांनी सांगितले की, मांजरीलाही देवानेच या पृथ्वीवर जन्म दिला आहे. त्यातच आत्मा म्हणजेच परमात्मा असतो. आपल्याला हे माहिती असून आपण जुन्या प्रथेप्रमाणे काही वेगवेगळा अर्थ लावत असतो. यात कुणाचीही आस्था दुखावणार नाही, असे उत्तर देखील आहे. शेवटी ज्याच्या त्याच्या श्रद्धेचे हे प्रश्न असणार आहेत.