Ashadhi Wari 2025: 307 किमी, 3000 सायकली अन् रिंगण, अशीही वारी, एकदा हा व्हिडीओ पाहाच

छत्रपती संभाजीनगर येथून 20 जून रोजी सकाळी 7 वाजता ही सायकलवारी निघाली आणि काही वेळातच ती बिडकीन येथे पोहोचली. बिडकीन गावातील ग्रामस्थ आणि स्थानिक राजकीय नेत्यांनी सर्व भाविकांसाठी जेवणाची व्यवस्था केली. त्यानंतर ही वारी पैठण, शेवगाव आणि कडा येथे मुक्कामासाठी थांबणार आहे. 307 किमीचा प्रवास करून सायकलस्वार पंढरपूर येथे पोहोचतील, असे छत्रपती संभाजीनगर सायकल संघटनेचे अध्यक्ष निखिल कचेश्वर यांनी लोकल 18 सोबत बोलताना सांगितले.

पंढरपूरमध्ये सायकलवारी पोहोचल्यानंतर सर्व भाविकांची भक्तनिवासामध्ये राहण्याची सोय करण्यात आली आहे. विशेष म्हणजे 22 जून रोजी महाराष्ट्रातील सर्व सायकलस्वार पंढरपूरमध्ये एकत्र येणार आहेत. संपूर्ण महाराष्ट्रातून 3000 सायकलस्वार पंढरपूर सायकलवारीत सहभागी होणार आहेत. गतवर्षी सायकल स्वारांची ही संख्या 2300 इतकी होती आणि छत्रपती संभाजीनगर येथून 60 सायकलस्वार सायकलवारीत सहभागी झालेले आहे तसेच तसेच गतवर्षी ही संख्या 50 एवढी होती.

या निमित्ताने सायकल रिंगण आणि सायकल संमेलन आयोजित करण्यात आले आहे. वर्षभरात ज्या सायकलस्वारांनी विविध स्पर्धांमध्ये यश मिळवले आहे, त्यांचा आणि सायकल संघटनांचा सत्कार या संमेलनात करण्यात येणार असल्याचे देखील कचेश्वर यांनी म्हटले आहे.