Diwali 2023: दिवाळीच्या पूजेत ठेवा एक रुपयाची ही गोष्ट, माता लक्ष्मी होईल प्रसन्न

दिवाळीत भगवान श्री गणेश, देवी लक्ष्मी आणि भगवान कुबेर यांची पूजा केली जाते. पुराणात असं म्हटलं आहे की, ‘दिवाळीच्या रात्री देवी लक्ष्मी प्रत्येक घरात येते, त्यामुळे देवीला प्रसन्न करण्यासाठी व तिचा आशीर्वाद मिळविण्यासाठी या दिवशी घराची स्वच्छता करणं आवश्यक आहे. घरामध्ये प्रकाश राहील, अशी व्यवस्था करावी. घर पूर्णपणे स्वच्छ करून घरात गंगाजल शिंपडावं.’

देवी लक्ष्मीची मूर्ती घेऊन तिला जलस्नानाच्या रूपात पंचामृत अर्पण करा. त्यानंतर मूर्ती पुन्हा पाण्यानं धुवून स्वच्छ टॉवेलनं पुसून कलशाजवळ परत ठेवा. देवीला हळदकुंकू, पुष्पहार अर्पण करा. देवीसमोर उदबत्ती लावा. देवीला नारळ, पानसुपारी अर्पण करा. फळांचा नैवेद्य दाखवा. देवीसमोर पुष्पगुच्छ, पैसे ठेवा. तुमचं अकाउंट बुक, धन आणि व्यवसायाशी संबंधित इतर वस्तू देवीसमोर ठेवा. देवी लक्ष्मीला गंध लावा, देवीसमोर दिवा लावा. पूजेनंतर संकल्प करून देवी लक्ष्मी, भगवान कुबेर आणि भगवान श्री गणेश यांची प्रार्थना करा. त्यानंतर लक्ष्मी स्तोत्र आणि गणपती स्तोत्राचा पाठ अवश्य करा.