आई राजा उदो उदो! तुळजाभवानी मंदिरात धगधगत्या अग्निचा थरार, कसा असतो भेंडोळी उत्सव?

धाराशिव: तुळजापूरची तुळजाभवानी देवी ही अवघ्या महाराष्ट्राचं कुलदैवत मानली जाते. दिवाळीतील तुळजाभवानी मंदिरात धार्मिक कार्यक्रमांचे आयोजन करण्यात येते. अश्विन अमावास्येला नरक चतुर्दशीच्या सायंकाळी तुळजाभवानी मंदिरात भेंडोळी उत्सव साजरा करण्यात येतो. तुळजाभवानी मातेला पहाटे सुगंधी उटणे लावून अभ्यंगस्नान होते. सायंकाळी भेंडोळी उत्सव साजरा करण्यात येतो. यानंतर रात्री मंदिरात लक्ष्मीपूजन, खजिनापूजन करण्यात येते. सदरील भेंडोळी उत्सव हा उत्तरेत काशी आणि तीर्थक्षेत्र तुळजापूर येथेच साजरा केला जातो. हा उत्सव नेमका काय आहे हे जाणून घेऊ.