‘होळी लहान करा, पोळी दान करा’ सोलापुरात आगळावेगळा उपक्रम, video

होळीत पुरणपोळी टाकण्याऐवजी ती बाजूला काढून ठेवा, कोरडी राहील असे पाहा, एका कोरड्या खोक्यात, डब्यात गोळा करा. आणि गावातील कोणत्याही अंनिस कार्यकर्त्याला आणून द्या. त्या पोळ्या त्याच दिवशी किंवा दुसऱ्या दिवशी गरीब वस्त्यांवर आणि आदिवासी वाड्यापाड्यांवर जाऊन कार्यकर्ते वाटप करतात. पोळी वाटणे हा उपक्रम कोणीही एखादी गरीब वस्ती निवडून त्यांच्या पातळीवर करू शकतो, असे आवाहन अंनिस शहर शाखा कार्याध्यक्ष डॉ. अस्मिता बालगावकर केले.

आपली राष्ट्रीय संपत्ती आणि ऊर्जा साधने खूप मोठ्या प्रमाणात वाया जातात. इतकेच नव्हे तर त्यामुळे खूप मोठे वायू प्रदूषण होते. म्हणून आपण होळी अगदी छोटीशी आणि सुकी लाकडे व झाडांचा वाळलेला पाला पाचोळा वापरून करावी. होळीत नैवेद्य म्हणून पुरणपोळी टाकण्यापेक्षा गरिबीमुळे उपाशीपोटी जगणाऱ्यांना पुरणपोळी दान करणे जास्त हितकारक आहे.