Makar Sankranti 2025 Daan: मकर संक्रातीला या वस्तू दान करणं शुभ! कित्येक गोष्टींमध्ये मिळेल लाभ

मकर संक्रांतीच्या दिवशी प्रत्येक व्यक्तीने स्नानानंतर तिळाचे दान करावे. शक्य असल्यास या दिवशी काळ्या तिळाचे दान करावे. जर काळे तीळ नसेल तर फक्त पांढरा तीळ दान करा. असे केल्याने सूर्यदेवाच्या कृपेने धन-धान्य वाढते आणि शनिदोषही दूर होतो. असे म्हटले जाते की, मकर संक्रांतीच्या दिवशी जेव्हा सूर्यदेव शनिदेवाच्या घरी पोहोचले तेव्हा शनिदेवांनी काळ्या तिळाने त्यांचे स्वागत केले.

मकर संक्रांतीच्या दिवशी गुळाचे दान करावे. या एका दानाने तुमच्या कुंडलीतील सूर्य, गुरु आणि शनि या तीन ग्रहांचे दोष दूर होतात. गूळ गुरू ग्रहाशी संबंधित मानला जातो. कुंडलीतील सूर्याला बल देण्यासाठीही गुळाचे दान केले जाते. मकर संक्रांतीच्या दिवशी गूळ आणि काळ्या तिळापासून बनवलेले लाडू दान केले जातात.

मकर संक्रांतीच्या दिवशी पूजेनंतर गरिबांना आपल्या क्षमतेनुसार ब्लँकेट आणि उबदार कपडे दान करावेत. असे केल्यास तुमच्या कुंडलीतील राहू ग्रहाशी संबंधित दोष दूर होतील आणि त्याचे सकारात्मक परिणाम दिसून येतील.

मकर संक्रांतीच्या दिवशी तांदूळ दान करावे, तांदूळ हे चंद्राचे प्रतीक आहे. यामुळे चंद्र बलवान होतो आणि जीवनात सुख-समृद्धी वाढते. तांदूळ दान केल्याने चंद्र दोषही दूर होतो.