Masik Shivratri: हर हर महादेव! मासिक शिवरात्री-सोमप्रदोष एकत्र येण्याचा दुर्मीळ योग; पूजा-विधी-धार्मिक महत्त्व

मुंबई : हिंदू धर्मात मासिक शिवरात्रीचे विशेष महत्त्व आहे. प्रत्येक महिन्याच्या कृष्ण पक्षातील चतुर्दशी तिथीला मासिक शिवरात्री साजरी केली जाते. या महिन्याची मासिक शिवरात्री अतिशय खास असणार आहे, कारण या दिवशी सोमवार असून सोमप्रदोषही त्याच दिवशी आहे. या दिवशी भगवान शिव आणि माता पार्वती यांची पूजा करण्याची परंपरा आहे. मासिक शिवरात्रीला व्रत-उपवास केला जातो. धार्मिक मान्यतेनुसार, या दिवशी भगवान शिव आणि माता पार्वतीची पूजा करून आणि उपवास केल्याने इच्छा पूर्ण होतात. यामुळे जीवनात आनंद आणि शांती येते. हिंदू धर्मात मासिक शिवरात्रीचे व्रत खूप फलदायी मानले जाते. 2025 सालची पहिली मासिक शिवरात्री कधी साजरी होईल तिथी, शुभ मुहूर्त आणि महत्त्व जाणून घेऊ.