Trending:

17 की 18 जानेवारी कधी आहे मौनी अमावस्या? जाणून घ्या तारीख, धार्मिक महत्त्व अन् परंपरा

Published by:Manasee Dhamanskar

Last Updated:Jan 14, 2026 5:24 PM IST

हिंदू धर्मात माघ महिन्यातील अमावस्येला खूप महत्त्व आहे. या अमावस्येला 'मौनी अमावस्या' किंवा 'माघी अमावस्या' असे म्हटले जाते. नवीन वर्षातील पहिली आणि सर्वात पुण्यदायी मानली जाणारी ही अमावस्या 2026 मध्ये नेमकी कधी आहे, यावरून अनेकांमध्ये संभ्रम आहे.

इम्पॅक्ट शॉटतुमचा गेटवे लेटेस्ट न्यूज

Mauni Amavasya Date : हिंदू धर्मात माघ महिन्यातील अमावस्येला खूप महत्त्व आहे. या अमावस्येला 'मौनी अमावस्या' किंवा 'माघी अमावस्या' असे म्हटले जाते. नवीन वर्षातील पहिली आणि सर्वात पुण्यदायी मानली जाणारी ही अमावस्या 2026 मध्ये नेमकी कधी आहे, यावरून अनेकांमध्ये संभ्रम आहे. शास्त्रानुसार आणि पंचांगानुसार 18 जानेवारी 2026 रोजी मौनी अमावस्या साजरी केली जाणार आहे.

तारीख आणि शुभ मुहूर्त: 17 की 18 जानेवारी?

पंचांगानुसार नवीन वर्षातील पहिली मौनी अमावस्या ही 17 जानेवारी रात्री 12:04 वाजता सुरु होईल. हिंदू धर्मात 'उदयातिथी'ला प्राधान्य दिले जाते. 18 जानेवारीला सूर्योदयाच्या वेळी अमावस्या तिथी असल्याने, 18 जानेवारी 2026, रविवार रोजीच मौनी अमावस्या साजरी केली जाईल. या दिवशीच पवित्र स्नान आणि दानधर्माचे विधी पार पडतील.

मौनी अमावस्येचे धार्मिक महत्त्व

मौन व्रताचे शास्त्र: या दिवशी 'मौन' पाळून ईश्वराची आराधना केली जाते, म्हणून याला 'मौनी' अमावस्या म्हणतात. असे मानले जाते की, केवळ तोंडानेच नाही तर मनानेही शांत राहून देवाचे ध्यान केल्याने आत्मिक बळ वाढते. या दिवशी ऋषी 'मनु' यांचा जन्म झाला होता, असेही काही ग्रंथांत नमूद आहे.

गंगेत स्नानाचे महत्त्व: अशी श्रद्धा आहे की, मौनी अमावस्येच्या दिवशी गंगा, यमुना किंवा कोणत्याही पवित्र नद्यांचे पाणी हे 'अमृत' समान होते. प्रयागराज येथील संगमावर या दिवशी स्नान करण्यासाठी देशभरातून भाविक गर्दी करतात. गंगेत स्नान केल्याने जन्मोजन्मीची पापे धुतली जातात आणि मोक्षप्राप्तीचा मार्ग सुकर होतो.

पितृ तर्पण आणि श्राद्ध: ही अमावस्या पितृदोषापासून मुक्ती मिळवण्यासाठी सर्वोत्तम मानली जाते. या दिवशी आपल्या पूर्वजांच्या नावाने तर्पण आणि पिंडदान केल्याने पितर प्रसन्न होतात आणि कुटुंबाला सुख-समृद्धीचा आशीर्वाद देतात. 18 जानेवारी 2026 ही तारीख साधनेसाठी आणि दानासाठी अत्यंत महत्त्वाची आहे. मौन पाळून आणि गरजूंची सेवा करून आपण या तिथीचा आध्यात्मिक लाभ घेऊ शकतो.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

view comments

Location :

Mumbai,Maharashtra

First Published :

Jan 14, 2026 5:24 PM IST

17 की 18 जानेवारी कधी आहे मौनी अमावस्या? जाणून घ्या तारीख, धार्मिक महत्त्व अन् परंपरा