यंदा मकर संक्रांतीला पिवळ्या रंगाचे कपडे घालूच शकत नाही, पण सोन्याच्या दागिन्यांचे काय? एका चुकीमुळे होणार का नुकसान?

Makar Sankranti 2026 : हिंदू धर्मातील नववर्षाचा पहिला मोठा सण म्हणजे 'मकर संक्रांत'. यंदा 14 जानेवारी 2026 रोजी हा सण साजरा होत आहे. मात्र, यंदाची संक्रांत काहीशी वेगळी आहे. पंचांगानुसार, यंदा संक्रांती देवीने पिवळ्या रंगाचे वस्त्र परिधान केले आहे. शास्त्रानुसार, संक्रांती देवीने ज्या रंगाचे वस्त्र नेसलेले असते, तो रंग त्या दिवशी वर्ज्य मानला जातो. यामुळेच यंदा पिवळ्या रंगाचे कपडे किंवा साडी नेसू नये, असा सल्ला ज्योतिषांकडून दिला जात आहे. पण मग प्रश्न उरतो की, पिवळा रंग वर्ज्य असेल तर स्त्रियांच्या सौंदर्याचा अविभाज्य भाग असलेले 'सोनं' परिधान करता येईल का? आणि पूजेतील 'हळद' वापरावी का? तर याच उत्तर आम्ही देतो.