Makar Sankranti 2025: दर मकर संक्रांतीनंतर तिळीएवढी वाढते बाप्पाची मूर्ती? मंदिर आपल्या महाराष्ट्रातच!

कुणाल दंडगव्हाळ, प्रतिनिधी, नाशिक : आपलं महाराष्ट्र विविध देवस्थानांनी संपन्न आहे. नाशिक जिल्ह्यातही अनेक प्राचीन मंदिरं आहेत. हे शहर प्रभू श्रीरामांच्या पदस्पर्शानं पावन झालं अशी मान्यता आहे. तसंच दक्षिण गंगा अर्थात गोदावरीचं पात्र वाहणाऱ्या पाण्याच्या काठी गोदाघाटदेखील पर्यटनाचं आणि धार्मिकतेचं स्थान बनलंय. नाशिकमधील प्रसिद्ध मंदिरांमध्ये पंचवटी परिसरात असलेल्या गणेशवाडीतील तिळा गणपती मंदिराचं नाव आवर्जून घेतलं जातं.