Shravan Month 2025: तब्बल 21 वर्षानंतर आला श्रावणात अंगारकी चतुर्थीचा योग, अशी करा महादेवाची पूजा, होणार सुख प्राप्ती, Video

नाशिक: आषाढ एकादशीनंतर महाराष्ट्रात श्रावणमास सुरु होत आहे. श्रावण महिना हा हिंदू धर्मात अत्यंत महत्त्वाचा मानला जातो. या महिन्यात अनेक सण उत्सव येतात. सर्वात महत्त्वाचे म्हणजे देवाधिदेव महादेवाला श्रावण महिना समर्पित केला जातो. हा श्रावण महिना शिवभक्तांना उपासनेसाठी अत्यंत महत्त्वाचा असतो. यंदा पवित्र असा श्रावण महिना 25 जुलैपासून सुरू होताच 21 वर्षानंतर पहिल्यांदाच अंगारकी चतुर्थीचा उत्तम योग आला आहे. याविषयीच नाशिक येथील धर्मशास्त्र अभ्यासक डॉ. नरेंद्र धरणे यांनी माहिती दिली आहे.