Gemstone tips: करंगळीत हे रत्न धारण करण्याचा होतो विशेष लाभ, प्रत्येक कामात दिसेल शुभ परिणाम

मुंबई, 29 ऑक्टोबर : रत्न/धातू किंवा खड्याच्या अंगठ्या घातलेले कित्येक लोक तुम्ही पाहिले असतील. कुंडलीत कोणताही ग्रह कमजोर असेल किंवा ग्रहदोष असेल तर कित्येक क्षेत्रात अशुभ परिणाम मिळतात. म्हणूनच ग्रह दोष दूर करण्यासाठी उपाय केले जातात. ज्योतिषशास्त्राची शाखा असलेल्या रत्नशास्त्रामध्ये ग्रहांच्या अशुभ परिणामांपासून मुक्ती मिळवण्यासाठी आणि शुभ परिणाम वाढवण्यासाठी रत्नांचा उल्लेख करण्यात आला आहे. कुंडलीतील ग्रहांच्या स्थितीनुसार तज्ज्ञांच्या सल्ल्याने धारण केलेली रत्ने चमत्कारी परिणाम देऊ शकतात. आज आपण चंद्रमणी किंवा मूनस्टोन या शक्तिशाली रत्नाबद्दल जाणून घेऊया, हे रत्न धारण करण्याचे अनेक फायदे आहेत.