सूर्याला अर्घ्य देण्याची योग्य पद्धत कोणती? कधी करावी पूजा, Video

दररोज सकाळी पाच वाजल्यापासून ते सकाळी दहा वाजेपर्यंतचा वेळ सूर्यनारायणाच्या पूजेचा असल्याचं सांगण्यात आले आहे. पूजन करत असताना अर्घ्य देत असताना एका तांब्याच्या लोट्यामध्ये पाणी घ्यायचं. त्यामध्ये गंध, अक्षद, पुष्प, हळदी, कुंकू, टाकायचं. आणि विशेषतः तुळशीपत्र टाकायचं. एका पायावर उभे राहून जल अर्पण करायचं. डावा पाय वर करून सूर्याला अर्घ्य द्यावं, असं पं. हेमंत शास्त्री पाचखेडे यांनी सांगितलं.

अशावेळी गायत्री मंत्र आणि सूर्याची विविध नावे घेऊन ओम भास्कराय नमः ओम आदित्य नमः अशा प्रकारे नामस्मरण करून जल अर्पण करावे. जल अर्पण करताना तांब्या किंवा लोटा हा हातात आपल्या उंचीच्या वर पकडावा आणि मन, बुद्धी,चित्त शांत ठेवून जल अर्पण करावे, असं पं. हेमंत शास्त्री पाचखेडे यांनी सांगितलं.

तर सूर्याला जल अर्पण करताना शरीर आणि मन स्वच्छ, शांत ठेवावं. सूर्याला अर्घ्य देताना आपल्या पायावर ते पाणी उडणार नाही याची काळजी घ्यावी, असंही पं. हेमंत शास्त्री पाचखेडे यांनी सांगितलं आहे.