22 जानेवारीला जन्मणाऱ्या बाळाची कुंडली पाहा, नेमक्या कोणत्या राशीचं असेल बाळ?

22 जानेवारीला पौष शुक्ल पक्ष आहे आणि सोबतच सोमवारचा दिवस आणि द्वादशी आहे. या दिवशी ज्या बाळांचा जन्म होईल, त्या सर्वांची रास वृषभ असेल. या राशीत चंद्राचा प्रभाव सर्वाधिक असतो, जे बाळासाठी फायदेशीर ठरेल.

या बाळांवर शुक्राचाही प्रभाव असेल. कुंडलीत लग्न स्थान आणि मेष राशीचं चांगलं मिलन आहे. शिवाय याच स्थानात गुरू ग्रहदेखील विराजमान आहे. तिसऱ्या, चौथ्या आणि पाचव्या घरात कोणताही ग्रह नाही. सहाव्या घरात केतू विराजमान आहे, तर सातव्या घरात शुक्र आहे, जो भाग्य स्थानात आहे. आठव्या घराचा स्वामी भाग्य स्थानात आहे. तर, नवव्या घराचा स्वामी लग्न स्थानात आहे. याचाच अर्थ असा की, बाळाचा कमी वयात भाग्योदय होईल. कुंडलीच्या दहाव्या स्थानात सूर्य ग्रह आहे. तर, शनी आपल्याच घरात विराजमान आहे आणि बाराव्या स्थानात राहू आहे.