काळा दोरा का बांधतात? त्यामागंचं धार्मिक अन् वैज्ञानिक कारणं काय? जाणून घ्या ज्योतिषांकडून...

प्राचीन मान्यतेनुसार, काळा रंग नकारात्मक ऊर्जा शोषून घेतो. त्यामुळे जेव्हा आपण काळा दोरा घालतो तेव्हा तो आपल्या आजूबाजूची नकारात्मक ऊर्जा शोषून घेतो आणि दृष्ट लागण्यापासून रक्षण करतो. असेही मानले जाते की, काळा दोरा शनि ग्रहाचे प्रतीक आहे आणि तो धारण केल्याने शनीच्या कोपापासून रक्षण होते.

तथापि, विज्ञान या गोष्टींवर विश्वास ठेवत नाही. विज्ञानानुसार, काळ्या दोऱ्याचा कोणताही जादुई प्रभाव नाही. पण काही वैज्ञानिक काळ्या रंगाच्या भौतिक गुणधर्मांवर आधारित काही संभाव्य फायद्यांविषयी बोलतात. काळा रंग उष्णता शोषून घेतो, त्यामुळे काही लोकांचा असा विश्वास आहे की, काळा दोरा घातल्याने शरीराचे तापमान नियंत्रणात राहते. याशिवाय काही लोक त्याचा संबंध ॲक्युप्रेशरच्या सिद्धांताशीही जोडतात. त्यांचा असा विश्वास आहे की, शरीराच्या काही भागांवर काळा दोरा बांधल्याने विशिष्ट बिंदूंवर दाब पडतो, ज्यामुळे आरोग्याला फायदा होऊ शकतो.

या श्रद्धा आणि वैज्ञानिक युक्तिवादांव्यतिरिक्त, काळा दोरा एक सांस्कृतिक प्रतीकदेखील आहे. हा आपल्या परंपरा आणि रूढींचा एक भाग आहे. तो परिधान केल्याने आपल्याला आपल्या मुळांशी जोडल्यासारखे वाटते.