Marathon: कोल्हापूरच्या 12 धावपटूंची कमाल, जगातील सर्वात खडतर मॅरेथॉन केली यशस्वीरीत्या पूर्ण, Video

कोल्हापूर: कोल्हापूरच्या 12 धावपटूंनी दक्षिण आफ्रिकेतील जगप्रसिद्ध कॉम्रेड्स अल्ट्रा मॅरेथॉन ही 90 किलोमीटरची अतिशय खडतर शर्यत यशस्वीरीत्या पूर्ण करत इतिहास रचला. 8 जून 2025 रोजी पिटरमारिट्सबर्ग ते डर्बन या मार्गावर झालेल्या या शर्यतीत त्यांनी आपल्या जिद्दीचे आणि सामर्थ्याचे दर्शन घडवले. 1921 मध्ये सुरू झालेल्या या जगातील सर्वात जुन्या अल्ट्रा मॅरेथॉनचे हे 98 वे वर्ष होते. यंदा जगभरातून 25,000 हून अधिक धावपटूंनी सहभाग घेतला, त्यापैकी भारतातून 400 पेक्षा जास्त धावपटू होते, ज्यात 50 महिला धावपटूंचा समावेश होता. ही भारतासाठी अभिमानाची बाब आहे, अशी माहिती कोल्हापूरचे स्पर्धक गोरख माळी यांनी दिली.