IND vs PAK : मॅचच्या काही तासआधी भारतासाठी धोक्याची घंटा, 4 भारतीय खेळाडूंमुळे सूर्याचं टेन्शन वाढलं!

ग्रुप स्टेजमध्ये टीम इंडियाने आधी युएई आणि मग पाकिस्तानला धूळ चारली, पण ओमानविरुद्धच्या सामन्यात विजय मिळवण्यासाठी टीम इंडियाला झगडावं लागलं. या सामन्यात भारतीय बॅटर 250 रन करतील, अशी अपेक्षा केली जात होती, पण त्यांना 200 रनही करता आले नाहीत. या सामन्यात टीम इंडियाने पहिल्या 5 विकेट फक्त 130 रनवरच गमावल्या होत्या.

टीमचा उपकर्णधार शुभमन गिलला ओमानचा फास्ट बॉलर शाह फैजलने बोल्ड केलं होतं. फैजलचा लेंथ बॉल खेळताना गिल पूर्णपणे चुकला. तर शिवम दुबेही लेंथ बॉलवर चुकीचा शॉट मारून आऊट झाला. अभिषेक शर्माही लेंथ बॉलवरच मोठा शॉट मारण्याच्या नादात पॅव्हेलियनमध्ये परतला, तसंच हार्दिक पांड्यालाही मोठा स्कोअर करता आला नाही, त्यामुळे टीम इंडियाच्या बॅटिंगच्या या कमजोरीचा अभ्यास पाकिस्तानी बॉलरनी नक्कीच केला असेल.

ओमानविरुद्धच्या सामन्यात पहिले बॅटिंग करणाऱ्या भारताने 20 ओव्हरमध्ये 188 रन केल्या. यानंतर 189 रनचा पाठलाग करण्यासाठी आलेल्या ओमानने 167 रन करून फक्त 4 विकेट गमावल्या. कुलदीप यादव आणि शिवम दुबेवर ओमानच्या बॅटरनी आक्रमण केलं, त्यामुळे टीम इंडियाला पाकिस्तानविरुद्धच्या सामन्यात त्यांचा खेळ सुधारावा लागणार आहे.

पाकिस्तानविरुद्धच्या सामन्यात भारतीय टीममध्ये दोन बदल होण्याची शक्यता वर्तवण्यात येत आहे. अर्शदीप सिंगऐवजी जसप्रीत बुमराह आणि हर्षीत राणाऐवजी वरुण चक्रवर्तीचं भारतीय टीममध्ये कमबॅक होऊ शकतो.

सूर्यकुमार यादव (कॅप्टन), अभिषेक शर्मा, शुभमन गिल, तिलक वर्मा, संजू सॅमसन (विकेटकीपर), शिवम दुबे, हार्दिक पंड्या, कुलदीप यादव, अक्षर पटेल, वरुण चक्रवर्ती, जसप्रित बुमरा, रिंकू सिंह, जितेश शर्मा (विकेटकीपर), अर्शदीप सिंह आणि हर्षित राणा