Trending:

महिन्याभराच्या ब्रेकनंतर टीम इंडिया सज्ज! कोणत्या टीमना भिडणार? Asia Cup चे टाईम टेबल आत्ताच सेव्ह करा!

Published by:Shreyas Deshpande

Last Updated:September 08, 2025 5:01 PM IST

आशिया कप 2025 ला मंगळवार 9 सप्टेंबरपासून सुरूवात होणार आहे. स्पर्धेचा पहिला सामना अफगाणिस्तान आणि हाँगकाँग यांच्यामध्ये होणार आहे.

महिन्याभराच्या ब्रेकनंतर टीम इंडिया सज्ज! कोणत्या टीमना भिडणार? Asia Cup चे टाईम टेबल आत्ताच सेव्ह करा!

मुंबई : आशिया कप 2025 ला मंगळवार 9 सप्टेंबरपासून सुरूवात होणार आहे. स्पर्धेचा पहिला सामना अफगाणिस्तान आणि हाँगकाँग यांच्यामध्ये होणार आहे. तर टीम इंडिया त्यांचा पहिला सामना 10 सप्टेंबरला युएईविरुद्ध खेळणार आहे. 28 सप्टेंबरला आशिया कपची फायनल खेळवली जाणार आहे. स्पर्धेमध्ये होणाऱ्या एकूण 19 मॅच या दुबई आणि अबुधाबीमध्ये खेळवल्या जाणार आहेत. यंदाच्या आशिया कपमध्ये एकूण 8 टीम सहभागी झाल्या आहेत.

आशिया कपमध्ये सहभागी झालेल्या 8 टीमना ग्रुप ए आणि ग्रुप बी अशा दोन ग्रुपमध्ये विभागण्यात आलं आहे. ग्रुप ए मध्ये भारत, पाकिस्तान, युएई आणि ओमान या चार टीम आहेत. त्यामुळे टीम इंडियाला ग्रुप स्टेजमध्ये पाकिस्तानशिवाय युएई आणि ओमानविरुद्ध खेळावं लागणार आहे. 3 पैकी 2 मॅच जिंकल्या तरी टीम इंडिया पुढच्या स्टेजसाठी क्वालिफाय होईल. तर ग्रुप बीमध्ये श्रीलंका, बांगलादेश, अफगाणिस्तान आणि हाँगकाँग आहेत. ग्रुप ए आणि ग्रुप बी मधल्या टॉप-2 टीम सुपर-4 मध्ये जाणार आहेत, त्यामुळे सुपर-4 मध्येही भारत-पाकिस्तान सामना व्हायची शक्यता आहे. सुपर-4 मध्ये सर्वाधिक पॉईंट्स मिळवणाऱ्या टॉप-2 टीम 28 सप्टेंबरला आशिया कपच्या फायनलमध्ये खेळतील.