Ayush Mhatre : 6,6,6,6,6,6...कॅप्टन बनताच आयुष म्हात्रेचा धमाका, सुर्या आणि अजिंक्य रहाणे बघत राहिले

Published by:Prashant Gomane

Last Updated:November 28, 2025 5:37 PM IST

कर्णधार पद मिळण्याची बातमी मिळाल्यानंतर आयुष म्हात्रेने सामन्यात मोठा धमाका केला आहे. आयुषने 53 बॉलमध्ये 110 धावांची नाबाद शतकीय खेळी केली आहे. त्याची ही खेळी टीम इंडियाचे स्टार खेळाडू अजिंक्य रहाणे आणि सुर्यकुमार यादव बघत राहिले.

SMAT 2025, Ayush Mhatre : टीम इंडियाच्या अंडर 19 संघाची आज बीसीसीआयने घोषणा केली आहे. या अंडर 19 संघाच्या नेतृत्वाची जबाबदारी मुंबईच्या आयुष्य म्हात्रेच्या खांद्यावर देण्यात आली होती. त्यामुळे कर्णधार पद मिळण्याची बातमी मिळाल्यानंतर आयुष म्हात्रेने सामन्यात मोठा धमाका केला आहे. आयुषने 53 बॉलमध्ये 110 धावांची नाबाद शतकीय खेळी केली आहे. त्याची ही खेळी टीम इंडियाचे स्टार खेळाडू अजिंक्य रहाणे आणि सुर्यकुमार यादव बघत राहिले.

खरं तर आयुष म्हात्रे संध्या मुंबईकडून सय्यद मुश्ताक अली ट्रॉफी स्पर्धा खेळतो आहे. या स्पर्धेआधी आज सकाळीच आयष म्हात्रेला अंडर 19 संघाच कर्णधारपद मिळाल्याची बातमी समोर आली होती. या बातमीनंतर आज विदर्भविरूद्धच्या सामन्यात जबरदस्त खेळी केली होती. या खेळीच्या बळावरच त्याने सामना जिंकला आहे.

विदर्भाने मुंबईसमोर 193 धावांचे लक्ष्य ठेवले होते.या लक्ष्याचा पाठलाग करण्यासाठी मुंबईकडून आयुष म्हात्रे आणि अजिंक्य रहाणे सलामीला उतरले होते.यावेळी सिनिअर रहाणे शुन्यावर बाद झाला होता. त्याच्या पाठोपाठ हार्दिक तामोरे देखील 1 धावा करून बाद झाला होता. मुंबईचे एका बाजूने विकेट पडत असताना आयुष म्हात्रेने संघाचा डाव सावरला होता.

तामोरे बाद झाल्यानंतर सुर्यकुमार यादव मैदानात आला होता. यावेळी त्याने 35 धावांची खेळी केली होती. त्याच्या पाठोपाठ शिवम दुबे मैदानात आला आणि त्याने 19 बॉलमध्ये 39 धावांची नाबाद वादळी खेळी केली होती. त्याच्यासोबत आयुष्य म्हात्रे देखील 53 बॉलमथ्ये 110 धावांची नाबाद खेळी करून ते नाबाद राहिला होता. या दरम्यान त्याने 8 षटकार आणि 8 चौकार लगावले होते. या दरम्यान त्याचा स्ट्राईक रेट 207 होता.

आयुषच्या या नाबाद शतकीय खेळीच्या मुंबईने 7 विकेटने हा सामना जिंकला आहे. विदर्भकडून दर्शन नलकंडे, पार्थ रेखाडे, यश ठाकूरने प्रत्येकी 1 विकेट घेतली होती.

विदर्भने प्रथम फलंदाजी करताना 9 विकेट गमावून 192 धावा ठोकल्या होत्या. विदर्भकडून अर्थल तायडेने 36 बॉलमध्ये 64 धावांची खेळी केली होती. या खेळीत त्याने 9 चौकार आणि 1 षटकार मारला होता. तर अमन मोखाडेने 30 बॉलमध्ये 61 धावांची खेळी केली होती. या खेळीत त्याने 7 चौकार आणि 2 षटकार लगावले होते. या व्यतिरिक्त कुणालाही मोठ्या धावा करता आल्या नव्हत्या. पण या दोघांच्या खेळीच्या बळावर विदर्भने 190 चा टप्पा ओलांडला होता.

दरम्यान मुंबईकडून शिवम दुबेने आणि साईराज पाटीलने प्रत्येकी 3, अंकोलेकरने 2 आणि कर्णधार शार्दुल ठाकूरने प्रत्येकी 1 विकेट घेतली होती.

view comments

Location :

Mumbai,Maharashtra

First Published :

November 28, 2025 5:37 PM IST

Ayush Mhatre : 6,6,6,6,6,6...कॅप्टन बनताच आयुष म्हात्रेचा धमाका, सुर्या आणि अजिंक्य रहाणे बघत राहिले

Ayush Mhatre : 6,6,6,6,6,6...कॅप्टन बनताच आयुष म्हात्रेचा धमाका, सुर्या आणि अजिंक्य रहाणे बघत राहिले

फोटो

ताज्या बातम्या