IND vs SA: 596 बॉल, 681 धावा; पण 3 बॉलने मॅच फिरवली, शेवटच्या ओव्हरमध्ये टीम इंडियाचा सनसनाटी विजय

टीम इंडियाने दिलेल्या लक्ष्याचा पाठलाग करतान साऊथ आफ्रिकेची सूरूवात खराब झाली होती. कारण गंभीरच्या लाडक्याने पहिल्यांदा रायन रिकल्टनला क्लिन बोल्ड केले त्यानंतर क्विंटन डिकॉकला विकेटमागे कॅच आऊट केले.अशाप्रकारे एकाच ओव्हमध्ये त्याने 2 विकेट घेतल्या होत्या. हर्षित राणापाठोपाठ अर्शदिप सिंह एडन मार्करमला सेम त्याच प्रकारे आऊट केले होते. त्यामुळे 11 धावांवर आफ्रिकेचे 3 विकेट पडले होते.त्यानंतर टोनी झोर्झी आणि मॅथ्यू ब्रिट्झकीने आफ्रिकेचा डाव सावरला होता.

मॅथ्यू ब्रिट्झकीने 72 धावांची खेळी केली. त्याच्यानंतर इतर खेळाडूंनीही योगदान दिले पण ते सन्मानजक धावा करू शकले नाही. त्यानंतर मार्को जेन्सने मोर्चा सांभाळला आणि 70 धावांची वादळी खेळी केली होती.शेवटी कॉर्बिन बॉशने टीम इंडियाच्या हातून सामना काढून घेण्यासाठी खूप प्रयत्न केला. त्याने शेवटच्या ओव्हरमध्ये भारतीय गोलंदाजी धुलाई केली आणि शेवटच्या ओव्हरपर्यंत सामना आणून ठेवला होता.आफ्रिकेला शेवटच्या ओव्हरमध्ये 18 धावांची आवश्यकता होती. त्यावेळी प्रसिद्ध कृष्णाच्या दु्सऱ्या बॉलवर बॉशने उंचावर बॉल मारला आणि रोहितने कॅच घेताच भारताने हा सामना जिंकला. बॉश यावेळी 67 धावा करून बाद झाला. भारताच्या या विजयानंतर त्यांनी तीन सामन्यांच्या वनडे मालिकेत 1-0 ने आघाडी घेतली आहे.