Trending:

IND vs AUS : रोहितला 17 वर्ष जमलं नाही, ते सूर्याने 4 वर्षात करून दाखवलं, भारतीय क्रिकेटमध्ये घडला नवा विक्रम

Published by:Shreyas Deshpande

Last Updated:October 29, 2025 5:25 PM IST

भारत आणि ऑस्ट्रेलिया यांच्यातला पहिला टी-20 सामना पावसामुळे रद्द झाला. खेळ थांबला तेव्हा भारताने 9.4 ओव्हरमध्ये 97 रन करून एक विकेट गमावली होती.

इम्पॅक्ट शॉटतुमचा गेटवे लेटेस्ट न्यूज

रोहितला 17 वर्ष जमलं नाही, ते सूर्याने 4 वर्षात करून दाखवलं, भारतीय क्रिकेटमध्ये घडला नवा विक्रम

कॅनबेरा : भारत आणि ऑस्ट्रेलिया यांच्यातला पहिला टी-20 सामना पावसामुळे रद्द झाला. खेळ थांबला तेव्हा भारताने 9.4 ओव्हरमध्ये 97 रन करून एक विकेट गमावली होती. कर्णधार सूर्यकुमार यादव 24 बॉलमध्ये 39 आणि शुभमन गिल 20 बॉलमध्ये 37 रनवर खेळत होता. सूर्यकुमार यादवने त्याच्या खेळीमध्ये 3 फोर आणि 2 सिक्स मारल्या. दुसरी सिक्स मारताच सूर्यकुमार यादवने टी-20 फॉरमॅटमध्ये नवा विक्रम केला आहे. टी-20 आंतरराष्ट्रीय क्रिकेटमध्ये सूर्या सगळ्यात जलद 150 सिक्स मारणारा भारतीय खेळाडू बनला आहे.

सूर्यकुमार यादवने 86 इनिंगमध्ये 1,649 बॉल खेळून टी-20 फॉरमॅटमध्ये 150 सिक्स मारल्या आहेत. इतक्या जलद सिक्स मारणारा सूर्या हा जगातला दुसरा खेळाडू ठरला आहे. युएईच्या मुहम्मद वसीम या यादीत पहिल्या क्रमांकावर आहे. मुहम्मद वसीमने 66 इनिंग आणि 1543 बॉलमध्ये 150 सिक्सचा टप्पा गाठला होता.

टी-20 आंतरराष्ट्रीय क्रिकेटमध्ये सर्वाधिक सिक्सचा विक्रम रोहित शर्माच्या नावावर आहे. 2007 साली टी-20 क्रिकेटमध्ये पदार्पण केलेल्या रोहितने आंतरराष्ट्रीय टी-20 फॉरमॅटमध्ये 205 सिक्स लगावल्या आहेत, पण त्यालाही सगळ्यात जलद 150 सिक्सचा टप्पा गाठता आला नाही, जो सूर्यकुमार यादवने 4 वर्षांमध्ये गाठला. सूर्यकुमार यादवने 2021 साली टी-20 आंतरराष्ट्रीय क्रिकेटमध्ये पदार्पण केलं आणि पहिल्याच आंतरराष्ट्रीय टी-20 सामन्याच्या पहिल्याच बॉलला सूर्याने जोफ्रा आर्चरला सिक्स मारून करिअरची दणक्यात सुरूवात केली.

सूर्यकुमार यादवने 91 टी-20 सामन्यांमध्ये 37.63 ची सरासरी आणि 164.19 च्या स्ट्राईक रेटने 2709 रन केले आहेत, यात 4 शतकं आणि 21 अर्धशतकांचा समावेश आहे.