IND vs AUS : दुसऱ्या वनडेआधी मोठी घडामोड, रोहित विराटच्या फलंदाजीबाबत बॅटींग कोचच मोठं विधान

Published by:Prashant Gomane

Last Updated:October 22, 2025 4:13 PM IST

रोहित शर्मा आणि विराट कोहलीच्या कामगिरीवर सर्वांच्या नजरा असणार आहे. पहिल्याच टेस्टमध्ये हे दोन्ही खेळाडू फ्लॉप ठरले होते.त्यामुळे त्यांच्या या कामगिरीवर आता भारताचे बॅटींग कोच सितांशु कोटक यांची प्रतिक्रिया समोर आली आहे.

India vs Australia 2nd Odi : भारत आणि ऑस्ट्रेलिया यांच्यात उद्या 23 नोव्हेंबरला अॅडलेडच्या मैदानावर दुसरा वनडे सामना खेळवला जाणार आहे. या सामन्यात देखील रोहित शर्मा आणि विराट कोहलीच्या कामगिरीवर सर्वांच्या नजरा असणार आहे. पहिल्याच टेस्टमध्ये हे दोन्ही खेळाडू फ्लॉप ठरले होते.त्यामुळे त्यांच्या या कामगिरीवर आता भारताचे बॅटींग कोच सितांशु कोटक यांची प्रतिक्रिया समोर आली आहे.

पर्थ येथे ऑस्ट्रेलियाविरुद्धच्या पहिल्या एकदिवसीय सामन्यात भारताचा सात विकेट्सनी पराभव झाला होता. या सामन्यात रोहितने फक्त आठ धावा केल्या तर कोहली शून्यावर बाद झाला. असे असले तरी भारताचे फलंदाजी प्रशिक्षक सीतांशू कोटक यांनी वरिष्ठ खेळाडू रोहित शर्मा आणि विराट कोहली यांच्यावर विश्वास व्यक्त केला. गुरुवारी होणाऱ्या दुसऱ्या सामन्यापूर्वी बुधवारी अॅडलेडमध्ये बोलताना कोटक यांनी त्यांच्या फॉर्मबद्दलच्या चिंता फेटाळून लावल्या होत्या.

दोन्हीही खेळाडू आयपीएल खेळले आणि त्यांची तयारी खूप चांगली झाली आहे. मला वाटते की दोघांनाही खूप अनुभव आहे. ऑस्ट्रेलियात येण्यापूर्वीही त्यांची तयारी खूप चांगली होती. म्हणून मला वाटते की असा विचार करणे खूप लवकर होईल, असे सितांशू कोटक यांना वाटते. त्यांनी नुकतीच कसोटी क्रिकेटमधून निवृत्ती घेतली आहे. तसेच ते या मालिकेत येण्याआधी ते काय तयारी करत आहेत आणि त्यांच्या फिटनेस स्थितीबद्दल आम्हाला खूप माहिती होती. ते कधीकधी राष्ट्रीय क्रिकेट अकादमीमध्ये जातात. आम्हाला तिथून अपडेट्स आणि व्हिडिओ मिळतात, ते काय करत आहेत, त्यांचे सराव दिनचर्या, फिटनेस वर्क," कोटक यांनी स्पष्ट केले.

तुम्हाला हस्तक्षेप करण्यासाठी योग्य वेळ शोधण्याची आवश्यकता आहे. अशा वरिष्ठ खेळाडूंसह, जर ते आवश्यक नसेल तर तुम्हाला हस्तक्षेप करायचा नाही. जर ते गोष्टी योग्य करत असतील आणि तरीही तुम्ही त्यात सहभागी होण्याचा प्रयत्न करत असाल, तर ते नेहमीच करणे योग्य गोष्ट असू शकत नाही,"असेही सिताशू कोटक म्हणाले.

पर्थमध्ये वारंवार होणाऱ्या पावसाच्या व्यत्ययामुळे संघाच्या फलंदाजीच्या कामगिरीवर परिणाम झाला. "मला वाटते की ऑस्ट्रेलियाने प्रथम फलंदाजी केली असती तर ते असेच झाले असते." जेव्हा तुम्हाला माहित नसते की तुम्ही किती षटकं फलंदाजी करणार आहात, तेव्हा चार किंवा पाच पावसाच्या व्यत्ययासह नियोजन करणे सोपे नसते. दर काही षटकांमध्ये आत आणि बाहेर जाणे कठीण असते. मला वाटते की ते हवामानाबद्दल होते, अगदी खरे सांगायचे तर. गेल्या सामन्यात, अर्थातच, आम्ही लवकर काही विकेट्स गमावल्या, परंतु मी त्याबद्दल जास्त विचार करत नाही,असे कोटक यांनी सांगून टाकले.

ऑस्ट्रेलिया दौऱ्यासाठी भारताचा वनडे संघ :

शुभमन गिल (कर्णधार), रोहित शर्मा, विराट कोहली, श्रेयस अय्यर (उपकर्णधार) अक्षर पटेल, के एल राहुल, नितीश कुमार रेड्डी, कुलदीप यादव, वॉशिंग्टन सुंदर, हर्षित राणा, अर्शदीप सिंग, प्रसिद्ध कृष्णा, ध्रुव जुरेल (विकेटकीपर) यशस्वी जयस्वाल

ऑस्ट्रेलिया दौऱ्यासाठी भारताचा टी20 संघ :

सूर्यकुमार यादव (कर्णधार), अभिषेक शर्मा, शुभमन गिल (उपकर्णधार) तिलक वर्मा, नितीश कुमार रेड्डी, शिवम दुबे, अक्षर पटेल, जितेश शर्मा (विकेटकीपर) वरुन चक्रवर्ती, जसप्रीत बुमराह, अर्शदीप सिंग, हर्षदीप राणा, संजू सॅमसन (विकेटकीपर) रिंकु सिंग, वॉशिंग्टन सुंदर

भारताच्या ऑस्ट्रेलिया दौऱ्याचे संपूर्ण वेळापत्रक

वनडे मालिका

१९ ऑक्टोबर: पहिला एकदिवसीय सामना, पर्थ

२३ ऑक्टोबर: दुसरा एकदिवसीय सामना, अॅडलेड

२५ ऑक्टोबर: तिसरा एकदिवसीय सामना, सिडनी

टी 20 मालिका

२९ ऑक्टोबर: पहिला टी२०, कॅनबेरा

३१ ऑक्टोबर: दुसरा टी२०, मेलबर्न

२ नोव्हेंबर: तिसरा टी२०, होबार्ट

६ नोव्हेंबर: चौथा टी२०, गोल्ड कोस्ट

८ नोव्हेंबर: पाचवा टी२०, ब्रिस्बेन

view comments

Location :

Mumbai,Maharashtra

First Published :

October 22, 2025 4:08 PM IST

IND vs AUS : दुसऱ्या वनडेआधी मोठी घडामोड, रोहित विराटच्या फलंदाजीबाबत बॅटींग कोचच मोठं विधान

IND vs AUS : दुसऱ्या वनडेआधी मोठी घडामोड, रोहित विराटच्या फलंदाजीबाबत बॅटींग कोचच मोठं विधान

फोटो

ताज्या बातम्या