Trending:

IND vs AUS : 'स्टुपिड स्टुपिड स्टुपिड...', अभिषेक नको म्हणत होता, तरी ऐकला नाही, एका चुकीने फिरली अख्खी मॅच!

Published by:Shreyas Deshpande

Last Updated:October 31, 2025 4:35 PM IST

ऑस्ट्रेलियाविरुद्धच्या दुसऱ्या टी-20 मध्ये टीम इंडियाची बॅटिंग कोसळली आहे. ऑस्ट्रेलियन कर्णधार मिचेल मार्शने या सामन्यात टॉस जिंकून पहिले बॉलिंगचा निर्णय घेतला, यानंतर भारताचा 18.4 ओव्हरमध्ये 125 रनवर ऑलआऊट झाला.

इम्पॅक्ट शॉटतुमचा गेटवे लेटेस्ट न्यूज

'स्टुपिड स्टुपिड स्टुपिड...', अभिषेक नको म्हणत होता, तरी ऐकला नाही, एका चुकीने फिरली अख्खी मॅच!

मेलबर्न : ऑस्ट्रेलियाविरुद्धच्या दुसऱ्या टी-20 मध्ये टीम इंडियाची बॅटिंग कोसळली आहे. ऑस्ट्रेलियन कर्णधार मिचेल मार्शने या सामन्यात टॉस जिंकून पहिले बॉलिंगचा निर्णय घेतला, यानंतर भारताचा 18.4 ओव्हरमध्ये 125 रनवर ऑलआऊट झाला. अभिषेक शर्मा आणि हर्षित राणा वगळता भारताच्या कोणत्याही खेळाडूला दोन आकडी स्कोअरही करता आला नाही. टीम इंडियाच्या खेळाडूंनी बेजबाबदार शॉट मारले, ज्यावर मोठ्या प्रमाणावर टीका होत आहे, पण अक्षर पटेलला सर्वाधिक टार्गेट करण्यात येत आहे. 32 रनवर भारताने 4 विकेट गमावल्या होत्या, यानंतर खरंतर अक्षरने सावध बॅटिंग करायला पाहिजे होती, पण त्याने स्वत:च्या पायावरच कुऱ्हाड मारून घेतली.

बार्टलेटच्या बॉलिंगवर अक्षर पटेलने ड्राईव्ह मारला, यानंतर बॉल बाऊंड्रीच्या दिशेने जात होता. अक्षरला बॉल बाऊंड्री लाईनच्या बाहेर जाईल असं वाटत होतं, त्यामुळे त्याने पहिली रन जोरात धावली नाही, पण बॉल बाऊंड्री लाईनबाहेर जात नाहीये, हे लक्षात येताच अक्षरने त्याचा वेग वाढवला. दोन रन काढल्यानंतर अक्षर तिसरी रन काढण्यासाठी धावला, अभिषेक शर्मा त्याला यासाठी नकार देत होता, पण तरीही त्याने ऐकलं नाही. या गोंधळामध्ये अक्षर पटेलचा पाय घसरला आणि तो मैदानातच पडला. उठून पुन्हा क्रीजमध्ये जाण्यासाठी अक्षर पटेलने डाईव्हही मारली, पण तोपर्यंत विकेट कीपर जॉश इंग्लिसने बेल्स उडवल्या होत्या.

47 रनवर अर्धी टीम माघारी

अक्षर पटेलला आऊट करण्यासाठी टीम डेव्हिडने केलेला थ्रो देखील उत्कृष्ट होता. अक्षर पटेल फक्त रन आऊटच झाला नाही, तर त्याला दुखापतही झाली. रन काढण्यासाठी अक्षर पटेल खेळपट्टीऐवजी गवतावरून पळत होता, त्यामुळे त्याचा पाय घसरला. 12 बॉलमध्ये 7 रनची खेळी करून अक्षर पॅव्हेलियनमध्ये परतला. अक्षरची विकेट गेली तेव्हा भारताचा स्कोअर 7.3 ओव्हरमध्ये 5 विकेटवर 47 रन होता.

अभिषेक शर्मा एकटा नडला

एकीकडे भारताचे बॅटर आऊट होत असताना एकट्या अभिषेक शर्माने किल्ला लढवला. अभिषेक शर्माने 37 बॉलमध्ये 68 रनची खेळी केली. अभिषेकने त्याच्या या खेळीमध्ये 8 फोर आणि 2 सिक्सचा समावेश आहे. अभिषेकने हर्षित राणासोबत 56 रनची पार्टनरशीप केली. राणाने 33 बॉलमध्ये 3 फोर आणि एक सिक्सच्या मदतीने 35 रन केले.

view comments

Location :

Mumbai,Maharashtra

First Published :

October 31, 2025 4:35 PM IST

IND vs AUS : 'स्टुपिड स्टुपिड स्टुपिड...', अभिषेक नको म्हणत होता, तरी ऐकला नाही, एका चुकीने फिरली अख्खी मॅच!