IND vs AUS : चौथ्या T20 आधी टीम इंडियात मोठा बदल, गंभीरने शेवटच्या क्षणी चेंज केली स्ट्रॅटेजी!

क्वीन्सलँड : भारत आणि ऑस्ट्रेलिया यांच्यातली चौथा टी-20 सामना गुरूवारी खेळवला जाणार आहे. सीरिजची पहिली मॅच पावसामुळे रद्द झाली, तर दुसरा सामना ऑस्ट्रेलियाने आणि तिसरा भारताने जिंकला, त्यामुळे 5 टी-20 मॅचची ही सीरिज 1-1 ने बरोबरीमध्ये आहे. चौथ्या टी-20 सामन्यात विजय मिळवणारी टीम सीरिज हरणार नाही, हे निश्चित होईल. या सामन्यासाठी भारत आणि ऑस्ट्रेलियाने त्यांच्या टीममध्ये बदल केले आहेत. ऍशेसच्या तयारीसाठी ट्रॅव्हिस हेडला शेफिल्ड शील्ड खेळवण्यासाठी पाठवण्यात आलं आहे, त्यामुळे तो पुढच्या दोन्ही मॅचना उपलब्ध नसेल.