ऐन दिवाळीत रोहित-विराट फटाके फोडणार, IND vs AUS मॅच Live कुठे पाहता येणार? किती वाजता सुरू होणार

मुंबई : वेस्ट इंडिजचा टेस्ट सीरिजमध्ये 2-0 ने पराभव केल्यानंतर भारतीय टीम आता ऑस्ट्रेलिया दौऱ्यावर जाणार आहे. ऑस्ट्रेलियाविरुद्ध टीम इंडियाच्या 3 वनडे आणि 5 टी-20 मॅच होणार आहे. 19 ऑक्टोबरपासून वनडे सीरिजला सुरूवात होईल. टीम इंडियाचे स्टार खेळाडू रोहित शर्मा आणि विराट कोहली 7 महिन्यांनी आंतरराष्ट्रीय क्रिकेटमध्ये कमबॅक करणार आहेत. वनडे क्रिकेटमध्ये टीम इंडिया पहिल्यांदाच शुभमन गिलच्या नेतृत्वात मैदानात उतरणार आहे. निवड समिती आणि बीसीसीआयने 2027 चा वर्ल्ड कपची तयारी म्हणून रोहितची कॅप्टन्सी काढून गिलला जबाबदारी दिली आहे. 15 ऑक्टोबरला सकाळी टीम इंडिया दिल्लीहून ऑस्ट्रेलियाला रवाना होईल, यासाठी रोहित शर्मा आणि विराट कोहली 14 ऑक्टोबरला दिल्लीमध्ये दाखल झाले आहेत.