Trending:

Shivam Dube : एकहाती खेचत होता मॅच, पण दुबेला नशिबाने दगा दिला, हर्षितच्या शॉटमुळे आऊट झाला, मैदानात ड्रामा!

Published by:Shreyas Deshpande

Last Updated:Jan 28, 2026 10:36 PM IST

एकट्या शिवम दुबेने भारताला शेवटपर्यंत मॅचमध्ये ठेवण्याचा प्रयत्न केला, पण नशिबानेही त्याला साथ दिली नाही.

इम्पॅक्ट शॉटतुमचा गेटवे लेटेस्ट न्यूज

एकहाती खेचत होता मॅच, पण दुबेला नशिबाने दगा दिला, हर्षितच्या शॉटमुळे आऊट झाला, मैदानात ड्रामा!

विशाखापट्टणम : न्यूझीलंडविरुद्धच्या चौथ्या टी-20 सामन्यात 216 रनच्या आव्हानाचा पाठलाग करताना टीम इंडियाची बॅटिंग ऑर्डर गडगडली. एकट्या शिवम दुबेने भारताला शेवटपर्यंत मॅचमध्ये ठेवण्याचा प्रयत्न केला, पण नशिबानेही त्याला साथ दिली नाही. शिवम दुबे 23 बॉलमध्ये 282.61 च्या स्ट्राईक रेटने 65 रनवर खेळत होता, ज्यात त्याने तब्बल 7 सिक्स आणि 3 फोर हाणल्या, पण हर्षित राणाने मारलेल्या एका शॉटमुळे शिवम दुबेला पॅव्हेलियनमध्ये जावं लागलं.

15 व्या ओव्हरच्या शेवटच्या बॉलवर हर्षित राणाने स्ट्रेट ड्राईव्ह मारला, पण बॉल न्यूझीलंडचा फास्ट बॉलर मॅट हेन्रीच्या हाताला लागून नॉन स्ट्रायकर एन्डच्या स्टंपला जाऊन आदळला, त्यावेळी शिवम दुबे क्रीजमधून बाहेर पडला होता, त्यामुळे थर्ड अंपायरचा निर्णय यायच्या आधीच दुबे पॅव्हेलियनच्या दिशेने निघाला होता.

Such an unlucky way to go. Well played Shivam Dube #indvsnz4tht20 pic.twitter.com/KgUKRR8Pu6

— THE SELF (@SatishSimh26264) January 28, 2026

UNLUCKY SHIVAM DUBE.
What you done rana pic.twitter.com/ZsNxZTuYJf

— CRICK (@dotballss) January 28, 2026

न्यूझीलंडने दिलेल्या 216 रनच्या आव्हानाचा पाठलाग करताना भारताची सुरूवात अत्यंत खराब झाली. अभिषेक शर्मा पहिल्याच बॉलला शून्य रनवर आऊट झाला, तर सूर्यकुमार यादव 8, हार्दिक पांड्या 2 आणि संजू सॅमसन 24, रिंकू सिंग 39 रनवर माघारी परतले होते. शिवम दुबेने मात्र एकट्याने न्यूझीलंडच्या बॉलिंगवर आक्रमण केलं. शिवम दुबे बॅटिंगला असताना टीम इंडिया जिंकू शकते, असं वाटत होतं, पण दुबेची विकेट गेल्यानंतर टीम इंडियाच्या विजयाच्या शेवटच्या आशाही मावळल्या.

न्यूझीलंडने उभारला डोंगर

या सामन्यात पहिले बॅटिंग करणाऱ्या न्यूझीलंडने 20 ओव्हरमध्ये 7 विकेट गमावून 215 रन केले. न्यूझीलंडचा टी-20 आंतरराष्ट्रीय क्रिकेटमध्ये भारताविरुद्धचा हा दुसरा सगळ्यात मोठा स्कोअर आहे. न्यूझीलंडकडून टीम सायफर्टने 36 बॉलमध्ये 62 रनची खेळी केली, ज्यात 7 फोर आणि 3 सिक्सचा समावेश होता. याशिवाय डॅरेल मिचेलने 18 बॉलमध्ये नाबाद 39 रन केले. मिचेलने त्याच्या खेळीमध्ये 3 सिक्स आणि 2 फोर मारल्या. डेवॉन कॉनवेनेही 23 बॉल 44 आणि ग्लेन फिलिप्सने 16 बॉल 24 रनची खेळी केली. भारताकडून अर्शदीप सिंगने 2 आणि कुलदीप यादवने 2 विकेट घेतल्या. याशिवाय बुमराह आणि बिष्णोईला 1-1 विकेट घेण्यात यश आलं.

view comments

Location :

Visakhapatnam,Andhra Pradesh

First Published :

Jan 28, 2026 10:32 PM IST

Shivam Dube : एकहाती खेचत होता मॅच, पण दुबेला नशिबाने दगा दिला, हर्षितच्या शॉटमुळे आऊट झाला, मैदानात ड्रामा!