IND vs SA : विराट मैदानाबाहेर जाताच चमत्कार, टीम इंडियाच्या 'फ्लाईंग जट'कडे मार्करमही बघत राहिला, Video

रायपूर : भारत आणि दक्षिण आफ्रिका यांच्यातल्या रायपूर वनडेमध्ये तिलक वर्माने केलेल्या फिल्डिंगमुळे चाहत्यांना जॉन्टी ऱ्होड्स आठवला आहे. विराट कोहली ड्रेसिंग रूममध्ये गेल्यामुळे तिलक वर्मा फिल्डिंगसाठी मैदानात आला होता, तेव्हा त्याने बाऊंड्री लाईनवर 5 रन वाचवले. 20 व्या ओव्हरच्या चौथ्या बॉलला कुलदीप यादवच्या बॉलिंगवर मार्करमने मोठा शॉट खेळला. बॉल बाऊंड्री लाईनच्या बाहेर जाईल असं वाटत होतं, पण तिलक वर्माने उंच झेप घेऊन कॅच पकडण्याचा प्रयत्न केला, पण आपण बाऊंड्री लाईनबाहेर असल्याचं समजताच तिलकने बॉल बाहेर फेकला. तिलकच्या या फिल्डिंगमुळे टीम इंडियाने 5 रन वाचवल्या. हे करण्यासाठी तिलक वर्माला एका सेकंदापेक्षाही कमी वेळ मिळाला.