IND vs SA : 'ही विकेट अर्शदीपची नाही...', चौथ्या बॉलला हेन्ड्रिक्स आऊट, गावसकरांनी कुणाला दिलं क्रेडिट?

धर्मशाला : भारत आणि दक्षिण आफ्रिका यांच्यातल्या तिसऱ्या टी-20 सामन्यात टीम इंडियाने चांगली सुरूवात केली आहे. पहिल्या दोन ओव्हरमध्येच भारतीय बॉलरनी दक्षिण आफ्रिकेच्या दोन्ही ओपनरना पॅव्हेलियनमध्ये पाठवलं. अर्शदीप सिंगने मॅचच्या चौथ्याच बॉलला रिझा हेन्ड्रिक्सला एलबीडब्ल्यू केलं, तर आठव्या बॉलला हर्षित राणाने क्विंटन डिकॉकला पॅव्हेलियनमध्ये पाठवलं. यानंतर हर्षित राणाच्याच ओव्हरच्या शेवटच्या बॉलला डेवाल्ड ब्रेविसने हवेत शॉट मारला, पण वरुण चक्रवर्ती कॅच पकडण्यासाठी जोरात धावला नाही, तसंच त्याने डाईव्हही मारली नाही, त्यामुळे हर्षित राणा नाराज झाला.