IND vs SA : शुभमन गिल दुसऱ्या टेस्टमधून बाहेर, टीम इंडियाचा नवा कर्णधार ठरला, Playing XI मध्येही बदल!

गुवाहाटी : शुभमन गिल दक्षिण आफ्रिकेविरुद्धच्या दुसऱ्या टेस्ट मॅचमधून बाहेर झाला आहे. 22 नोव्हेंबर शनिवारपासून गुवाहाटीमध्ये सीरिजच्या दुसऱ्या टेस्टला सुरूवात होत आहे. गिलच्या गैरहजेरीमध्ये ऋषभ पंत टीम इंडियाचं नेतृत्व करेल, तर साई सुदर्शनला प्लेइंग इलेव्हनमध्ये संधी मिळण्याची शक्यता आहे. कोलकाता येथे झालेल्या पहिल्या टेस्टच्या पहिल्या इनिंगमध्ये बॅटिंग करताना गिलच्या मानेला दुखापत झाली. भारताला शेवटच्या इनिंगमध्ये विजयासाठी 124 रनची गरज होती, पण गिल दुसऱ्या इनिंगमध्ये बॅटिंगला आला नाही.