Trending:

IPL 2026 : खेळाडूंची धाकधूक वाढली, आयपीएल रिटेनशन लिस्ट कधी येणार? तारीख ठरली!

Published by:Shreyas Deshpande

Last Updated:November 08, 2025 8:51 PM IST

आयपीएल 2026 च्या सिझनआधी डिसेंबर महिन्यात मिनी ऑक्शनचं आयोजन केलं जाणार आहे, त्याआधी सर्व 10 टीमना त्यांनी रिटेन आणि रिलीज केलेल्या खेळाडूंची यादी बीसीसीआयकडे द्यावी लागणार आहे.

इम्पॅक्ट शॉटतुमचा गेटवे लेटेस्ट न्यूज

खेळाडूंची धाकधूक वाढली, आयपीएल रिटेनशन लिस्ट कधी येणार? तारीख ठरली!

मुंबई : आयपीएल 2026 च्या सिझनआधी डिसेंबर महिन्यात मिनी ऑक्शनचं आयोजन केलं जाणार आहे, त्याआधी सर्व 10 टीमना त्यांनी रिटेन आणि रिलीज केलेल्या खेळाडूंची यादी बीसीसीआयकडे द्यावी लागणार आहे. ही यादी समोर आल्यानंतर कोणते खेळाडू लिलावामध्ये जाणार, याचा निर्णय होणार आहे. खेळाडूंची रिटेनशन लिस्ट कधी जाहीर होणार, याबाबतची मोठी माहिती समोर आली आहे.

कधी येणार रिटेनशन लिस्ट?

आयपीएल 2026 साठी सर्व 10 टीमना त्यांनी रिटेन केलेल्या आणि रिलीज केलेल्या खेळाडूंची यादी 15 नोव्हेंबरपर्यंत द्यावी लागणार आहे. याच दिवशी खेळाडूंची यादी सार्वजनिक केली जाणार आहे.

किती खेळाडू रिटेन करता येणार?

आयपीएलच्या मागच्याच मोसमात मेगा ऑक्शन झाला होता, तेव्हा सर्व टीमनी खेळाडूंसोबत तीन वर्षांचा करार केला होता. आता या मोसमात मिनी ऑक्शन होणार आहे, त्यामुळे कोणती टीम किती खेळाडू रिटेन करू शकते, यावर मर्यादा नाही.

आयपीएल रिटेनशनचे थेट प्रक्षेपण

आयपीएल 2026 साठीच्या रिटेनशनचे थेट प्रक्षेपण स्टार स्पोर्ट्स चॅनलवर पाहता येणार आहे. भारत-ऑस्ट्रेलिया यांच्यातल्या पाचव्या टी-20 मॅचवेळी याची घोषणा करण्यात आली.

आयपीएल रिटेन्शनचे प्रक्षेपण कोणत्या अॅपवर?

याशिवाय आयपीएल रिटेनशनचे थेट प्रक्षेपण जिओहॉटस्टार अॅप आणि वेबसाइटवर पाहता येईल

आयपीएल ऑक्शन एका दिवसाचा

आयपीएल 2026 साठीचा लिलाव डिसेंबरमध्ये होणार आहे. डिसेंबरच्या तिसऱ्या आठवड्यात लिलाव होण्याची शक्यता वर्तवण्यात येत आहे. मिनी ऑक्शन असल्यामुळे एका दिवसामध्येच संपूर्ण प्रक्रिया पार पडेल. हा कार्यक्रम भारताबाहेर आयोजित करण्याचा बीसीसीआयचा विचार आहे, ज्यात युएई हा प्रमुख पर्याय आहे.