Mumbai Indians : धोनीचे 3 एक्के हार्दिकच्या गळाला! CSK चा फॉर्म्युला मुंबईने वापरला, कुणाला भनकही लागली नाही
- Published by:Shreyas Deshpande
Last Updated:
आयपीएल 2026 साठी खेळाडू रिटेन आणि रिलीज करण्याची शेवटची तारीख 15 नोव्हेंबर आहे. संध्याकाळी 5 वाजता सर्व 10 टीमना त्यांनी रिटेन आणि रिलीज केलेल्या खेळाडूंची नावं जाहीर करावी लागणार आहेत.
मुंबई : आयपीएल 2026 साठी खेळाडू रिटेन आणि रिलीज करण्याची शेवटची तारीख 15 नोव्हेंबर आहे. संध्याकाळी 5 वाजता सर्व 10 टीमना त्यांनी रिटेन आणि रिलीज केलेल्या खेळाडूंची नावं जाहीर करावी लागणार आहेत, पण त्याआधीच मुंबईने मोठा डाव खेळला आहे. रिटेनशन लिस्ट जाहीर करायच्या 48 तास आधीच मुंबईने दोन खेळाडू त्यांच्या ताफ्यात घेतले आहेत. मुंबई इंडियन्सने लखनऊ सुपर जाएंट्सकडून शार्दुल ठाकूर तर गुजरात टायटन्सकडून शरफेन रदरफोर्डला ट्रेड करून टीममध्ये आणलं आहे, तर या बदल्यात मुंबईने अर्जुन तेंडुलकरला लखनऊला दिलं आहे. शार्दुल ठाकूरसाठी मुंबईने 2 कोटी रुपये तर शरफेन रदरफोर्डसाठी 2.6 कोटी रुपये मोजले आहेत. तर अर्जुन तेंडुलकरला मुंबईने मागच्या लिलावामध्ये 30 लाख रुपयांना विकत घेतलं होतं.
मुंबईकडे धोनीचा बॉलिंग अटॅक
मुंबई इंडियन्सची ही स्ट्रॅटेजी पाहता त्यांनी धोनीचा बॉलिंग अटॅक टीममध्ये घेतल्याचं दिसत आहे. शार्दुल ठाकूर हा बरीच वर्ष चेन्नई सुपरकिंग्सचा महत्त्वाचा भाग होता. तर मागच्या मोसमात मुंबईने लिलावात दीपक चहर आणि मिचेल सॅन्टनर यांना विकत घेतलं, जे बरीच वर्ष चेन्नईकडे होते. आता या मोसमात मुंबईने दीपक चहर आणि सॅन्टनरला टीममध्ये ठेवलं, तर सीएसकेचे 3 महत्त्वाचे फास्ट बॉलर मुंबईकडून खेळताना दिसतील. याशिवाय कर्ण शर्मा हादेखील सीएसकेकडे होता, जो मागच्या लिलावात मुंबईकडे आला. शार्दुल ठाकूर, दीपक चहर, मिचेल सॅन्टनर आणि कर्ण शर्मा हे 4 खेळाडू 2021 मध्ये सीएसकेचा भाग होते, आता हे चारही खेळाडू 2026 मध्ये मुंबई इंडियन्सकडून खेळताना दिसू शकतात.
advertisement
कधी होणार आयपीएलचा लिलाव?
आयपीएल 2026 साठीचा लिलाव 16 डिसेंबरला अबु धाबीमध्ये होणार आहे, त्याआधी सगळ्या 10 टीमना त्यांनी रिलीज आणि रिटेन केलेल्या खेळाडूंची यादी आयपीएलला द्यावी लागणार आहे. 15 नोव्हेंबरला संध्याकाळी 5 वाजता ही यादी जाहीर केली जाणार आहे. पण त्याआधी सीएसके आणि राजस्थान रॉयल्समध्ये सुरू असलेल्या डीलवरून बरीच चर्चा सुरू आहे. संजू सॅमसनला चेन्नईकडे द्यायला राजस्थान रॉयल्स तयार आहे, पण त्यासाठी चेन्नईने रवींद्र जडेजा आणि सॅम करन यांची मागणी केली आहे, याबद्दल सीएसके रवींद्र जडेजासोबत चर्चा करत असल्याचं वृत्तही समोर आलं आहे.
Location :
Mumbai,Maharashtra
First Published :
Nov 13, 2025 10:52 PM IST
मराठी बातम्या/स्पोर्ट्स/
Mumbai Indians : धोनीचे 3 एक्के हार्दिकच्या गळाला! CSK चा फॉर्म्युला मुंबईने वापरला, कुणाला भनकही लागली नाही
