अख्ख्या हंगामात धडकी भरवणारे फायनलला धाडकन् आपटले, कमिन्सची एक चूक महागात; SRHचा डाव कुठे गंडला?

चेन्नई : आयपीएल २०२४ मध्ये केकेआरने अंतिम सामन्यात सनरायजर्स हैदराबादला ८ गडी राखून नमवलं. केकेआरने तिसऱ्यांदा विजेतेपदावर नाव कोरलंय. अख्ख्या हंगामात सनरायजर्स हैदराबादच्या ज्या फलंदाजीने प्रतिस्पर्ध्यांमध्ये धडकी भरवली त्यांची डाळ केकेआरच्या गोलंदाजीसमोर मात्र शिजली नाही. चेन्नईतील एमए चिदंबरम स्टेडियमवर सनरायजर्सला विजेतेपदाची संधी होती पण केकेआरविरुद्ध त्यांना कमाल करता आली नाही. पूर्ण हंगामात केकेआरविरुद्ध त्यांनी लीग फेरीसह तीन सामने खेळले. तिन्ही सामन्यात केकेआरने हैदराबादचा पराभव केला.