Virat Kohli : '...त्याने सोपा मार्ग निवडला', विराटच्या 8 महिन्यांपूर्वीच्या निर्णयावर भडकले संजय मांजरेकर

मुंबई : भारतीय क्रिकेटच्या चाहत्यांसाठी विराट कोहलीची टेस्ट क्रिकेटमधली निवृत्ती अजूनही न पचवता येणारी आहे. विराटच्याच पिढीमधले जो रूट, केन विलियमसन आणि स्टीव्ह स्मिथ आजही सक्रिय आहेत आणि उत्कृष्ट कामगिरी करत आहेत. ऑस्ट्रेलियामध्ये सुरू असलेल्या ऍशेस सीरिजच्या पाचव्या टेस्टमध्ये जो रूटने त्याचं 41 वे तर स्टीव्ह स्मिथने 37वे शतक पूर्ण केलं. यानंतर भारताचे माजी क्रिकेटपटू संजय मांजरेकर यांनी विराट कोहलीच्या टेस्ट क्रिकेट सोडण्याच्या निर्णयावर प्रश्न उपस्थित केले आहेत. विराटने सगळ्यात सोप्या अशा वनडे फॉरमॅटमध्ये खेळण्याचा निर्णय घेतल्याचं मांजरेकर म्हणाले.