बीडच्या रस्त्यावर रक्तपात, आधी गोळीबार मग धारदार शस्त्राने पाठलाग करत मारलं

बीड : बीडमधील गुन्हेगारी काही केल्या थांबण्याचे नाव घेत नाही. शहरातील अंकुश नगर परिसर मंगळवारी दुपारी हत्येच्या घटनेने हादरले आहे. नाल्याचे काम सुरू असताना काम करणाऱ्या एका कामगारावर आधी बंदुकीतून दोन राऊंड फायर करण्यात आले. मात्र, सुदैवाने या गोळ्या संबंधित व्यक्तीस लागल्या नाहीत. त्यानंतर आरोपीने त्या कामगाराचा पाठलाग करत धारदार शस्त्राने वार केले. या हल्ल्यात हर्षद उर्फ दादा शिंदे यांचा जागीच मृत्यू झाला. या घटनेने परिसरास भीतीचे वातावरण निर्माण झाले आहे