'मी तुम्हाला फोन करणार नाही...', एका मेसेजवरून शमीचा आगरकरसोबत पंगा, करिअर संकटात!

मुंबई : चॅम्पियन्स ट्रॉफीच्या फायनलनंतर मोहम्मद शमी टीम इंडियाकडून खेळला नाही. इंग्लंड दौरा, आशिया कप, वेस्ट इंडिजविरुद्धची टेस्ट सीरिज आणि आता ऑस्ट्रेलिया दौऱ्यातही शमीची निवड झाली नाही. मागच्या काही काळापासून टीम इंडियातून बाहेर असलेला शमी निवड समिती प्रमुख अजित आगरकर याच्यावर नाराज झाला आहे. फिटनेसमुळे शमीची टीम इंडियात निवड होत नसल्याचं बोललं जात होतं, पण अजित आगरकरने त्याच्या पत्रकार परिषदेमध्ये फिटनेसवर भाष्य केलं नाही.