Trending:

MI ने कॅप्टन बदलला! निवृत्ती घेतल्यानंतर 24 तासात लागली लॉटरी, कायरन पोलार्डला मोठा धक्का

Published by:Saurabh Talekar

Last Updated:June 11, 2025 2:26 PM IST

Nicholas Pooran Captain : वयाच्या 29 व्या वर्षी निवृत्ती घेतलेल्या निकोलस पुरन याने आता 24 तासानंतरच MI New York ची कॅप्टन्सी स्विकारली आहे.

Nicholas Pooran appointed New captain of MI New York

MI New York New captain : टी-टवेंटीमधील सर्वात स्फोटक फलंदाज असलेल्या निकोलस पूरन (Nicholas Pooran) याने काल आंतरराष्ट्रीय क्रिकेटमधून निवृत्ती (New captain of MI New York) जाहीर केली. फक्त 29 व्या वयात त्याने आंतरराष्ट्रीय क्रिकेटला रामराम ठोकल्याने आता क्रिडाविश्वात चर्चेला उधाण आलं आहे. अशातच आता निवृत्ती घेऊन 24 तास उलटत नाही, तोपर्यंत निकोलस पुरन याला लॉटरी लागली आहे. निकोलस पुरन आता MI चा कॅप्टन झाला आहे. निकोलस पुरन मुंबई इंडियन्स या आयपीएल टीमचा नाही तर MI न्यू यॉर्क या संघाचा कॅप्टन झाला आहे.

एमआय न्यू यॉर्कला नवा कॅप्टन

डावळ्या हाताचा विकेटकीपर फलंदाज जगातील सर्वात धोकादायक फलंदाजांपैकी एक आहे. कारकिर्दीच्या शिखरावर असलेला पूरन आपल्या कर्णधारपदाने संघाला नवीन उंचीवर घेऊन जाईल, असा विश्वास फ्रँचायझीने व्यक्त केला आहे. तिसरा हंगाम गुरुवारपासून सुरू होईल. एमआय न्यू यॉर्कमध्ये क्विंटन डी कॉक, किरॉन पोलार्ड आणि रशीद खानसारखे स्टार खेळाडू देखील आहेत.

2023 च्या एमएलसी हंगामात पूरनने उत्कृष्ट कामगिरी केली आणि 167 च्या स्ट्राईक रेटने 388 धावा करून तो स्पर्धेतील सर्वाधिक धावा करणारा खेळाडू ठरला. अंतिम सामन्यात त्याच्या नाबाद 137 धावांनी एमआय न्यू यॉर्कला पहिल्या विजेतेपदापर्यंत पोहोचवलं होतं. एमआयला विजय मिळवून देण्यात त्याचा सर्वात मोठा वाटा होता.

#NYC Fam, there’s a new commander in town - #OneFamily #MINewYork #MLC2025 pic.twitter.com/CgCE5RfbY1

— MI New York (@MINYCricket) June 10, 2025

दरम्यान, 2023 च्या विश्वचषक पात्रता फेरीतून वेस्ट इंडिज बाहेर पडल्यापासून तो एकदिवसीय क्रिकेट खेळलेला नाही. तो शेवटचा सामना डिसेंबर 2024 मध्ये बांगलादेशविरुद्ध वेस्ट इंडिजकडून खेळला होता. त्यानंतर त्याने काल आंतरराष्ट्रीय क्रिकेटमधून निवृत्ती घेतली होती. अशातच आता तो एमआय न्यू यॉर्कचं नेतृत्व करताना दिसेल.

Location :

Mumbai,Maharashtra

First Published :

June 11, 2025 2:26 PM IST

MI ने कॅप्टन बदलला! निवृत्ती घेतल्यानंतर 24 तासात लागली लॉटरी, कायरन पोलार्डला मोठा धक्का